आयुष्य सारं काळया आईसाठी ...

राब - राबते मी शेतात ,

आनंदाने न्हाहते कष्टाच्या घामात ,

तन - मन - धन काळया आई त गुंतवते ,

रक्ताच पाणी तिच्याच कुशीत आटवते ,

फुललेल्या शिवाराचे स्वप्न नयनी साठवते ,

धरणी मायेच्या पोटी जन्मलेल्या रोपाला गोंजारते ,

यशोदा होऊन कान्हासारख लाडविते ,

रोपाच्या संवरधनासाठी दीन - रात झटते ,

वट वृक्षात रूपांतर होण्यासाठी काबाड कष्ट करते ,

आयुष्य माझं सारं माय भुमिसाठी अर्पिते ,

दसऱ्याला काळया आईची मनोभावे पूजा करते ,

सोन्यासारखं पिकं फुलू दे मागणं मागते ,

तुझ्यासाठी तुझ्या लेकरांसाठी अती करते ,

आयुष्यभर तुझ्यासाठी ग जगते ,

माझ्या कष्टाचे चीज होऊ दे ग बाई ,

चुकलं असेल काही तर , माफ कर ग आई