आठवणींचा पुर

आठवणींचा पूर नयनी दाटून आला ,

अनोळखी तो अल्लड वारा ,

मनास छेडून गेला ,

विरलेल्या आठवणी ताज्या करून गेला 

झुळूक होऊन आला तो अनोळखी पाहुणा ,

ओळखीचा का भासत होता काही कळेना ,

सहवास लाभता त्यांचा डोळ्यातील पाणी काही थांबेना ,

पूर खळखळ वाहू लागला ,

पावण्याचे स्वागतच करायला विसरून गेला ,

मन मोर आठवणींच्या हिंदोळ्यावर डोलू लागला ,

आठवणींचा पूर तो वाहणारच ,

अनोळखी पाहुणा तो ओळखीचा वाटणारच ,

ठाव मनाचा तो घेणारच ,

क्षण हा हळवा करून जाणारच ,

कोवळ्या मनाला यातना ह्या होणारच ,

आठवणींचा पूर तो नयनी दाटून येणारच.......